Мындан тышкары, университеттен чыгарылган мигранттар да өлкөдөн чыгып кетиши керек, - деди ИИМ башчысы

Жумуштан бошотулган же университеттен чыгарылган, манжа изинен өтпөгөн жана орус тилин окубаган мигранттар Россия Федерациясынан чыгып кетүүгө тийиш. Бул тууралуу Орусиянын Ички иштер министрлигинин башчысы Владимир Колокольцев айтып, анын сөздөрүн мекеменин расмий өкүлү Ирина Волк келтирди.

«Жумушсуз калгандар, университеттен чыгарылгандар, манжа изинен өтпөгөндөр, тил үйрөнбөй жаткандар жана орус коомчулугуна пайдасы жоктор биздин өлкөдөн чыгып кетиши керек», - деди министр.

Колокольцев белгилегендей, Россияда миграцияга байланыштуу «абалды туруксуздаштыруу» аракеттери уланууда. Ал кол алдындагыларга мигранттардын документтерди кабыл алуу пункттарында тыгынды жоюп, өз убагында кабыл алууну тапшырды. «Медиа мейкиндикте көп пайда болгон кезек күткөндөрдүн фотосүрөттөрү жана видеотасмалары кабыл алууну уюштуруудагы кемчиликтерди ачык көрсөтүп турат», - деп жыйынтыктады Ички иштер министрлигинин башчысы.