Фото: Александр Манзюк / ТАСС
Борбор калаада мигранттар арасында менингит оорусу боюнча “оор кырдаал” катталды. Бул тууралуу Москвадагы Роспотребнадзордун жетекчиси Елена Андреева «Моя поликлиника» форумунда билдирди.
«Бизде шаарда менингококк инфекциясы боюнча абал оор, көп учурда негизинен мигранттар ооруп жатышат, анын себеби, мигранттар Москвага иммунитети жагынан «таза» келишет», – деди Андреева («Интерфакстын» цитатасы). Андреева Роспотребнадзор 17-декабрда «шаарды менингиалдык инфекция каптап кетпеши үчүн» даярдык блогун иштеп чыкканын айтты. Презентация учурунда берилген маалыматтарга ылайык, он айдын ичинде эмгек мигранттарынын арасында оорунун 32 очогу табылган. Андреева БМСЖнын адистери мигранттарды эмдеп жатканын баса белгиледи, анткени клиникалык көрүнүш “өтө оор” – өлүмдөр бар. Ошондой эле Роспотребнадзор менингитке каршы эмдөө кампаниясын баштады.