Фото: РИА Новости/ Михаил Климентьев
Россиянын президенти Владимир Путин мигранттардын абалы тууралуу комментарий берип жатып, Россия этномаданий тең салмактуулукту сакташы керектигин айтты. «Мигранттардын укугу тууралуу өтө курч маселе. Мен тең салмактуулук сакталышы керек дегенге кошулбай коё албайм: этномаданий тең салмактуулук», – деп баса белгиледи ал Жарандык коомду өнүктүрүү жана адам укуктары боюнча кеңештин жыйынында. Буга чейинки жыйында бул теманы Адам укуктары боюнча кеңештин жетекчиси Валерий Фадеев козгогон. Путин мигранттарды тартуу Россиянын экономикасынын кызыкчылыгы, жумушчу колдун жетишсиздиги менен шартталган деп түшүндүрдү. «Бирок, албетте, бул адамдарды даярдоо керек. Орус экономикасынын кызыкчылыктарына жооп берген эмгек ресурстарын тартуубуз керек. Демек, адамдар тилдик, этномаданий көз караштарга даяр болушу керек. Алар биздин каада-салттарды жана башкаларды билиши керек. Мыйзамдарды сыйлашы керек», – деп баса белгиледи ал.