фото Московского Дома национальностей
Шахмат боюнча улуттар аралык мелдеш Москвадагы Улуттар үйүндө өттү. Иш-чара Ингушетиянын Москвадагы туруктуу өкүлчүлүгүнүн колдоосу астында өттү, деп билдирет МУҮнүн сайты. Турнир Эл аралык шахмат күнүнө арналган. Мелдештин катышуучулары Адыгеянын туруктуу өкүлчүлүгү, Москванын «Qumuqlar» кумык уюму, Новосибирск облусунун туруктуу өкүлчүлүгү, Москва жана Москва облусунун башкырларынын Курултайы, «Акбузат» командасынын жана Ингушетиянын туруктуу өкүлчүлүгүнө караштуу жаштар кеңеши болушту. Турнир айланма система боюнча өтүп, анда ар бир оюнчу 10 мүнөткө созулган эки турда бири-бири менен ойношту. Андан кийин үч мыкты оюнчу плей-оффко чыгып, эки тур өз ара ойношту. Жеңүүчүлөр болуп «Акбузат» командасынан Ильяс Хакимьянов, Ингушетиянын туруктуу өкүлчүлүгүнө караштуу жаштар кеңешинен Бувайсар Хаюрин жана славян жердешчилигинин өкүлү Иван Горбунов аталды.