Фото: РИА Новости/Михаил Дудин
Москвада КМШ, евразиялык интеграция жана мекендештер менен байланыштар боюнча Мамлекеттик Думанын комитетинин жана Жогорку Кеңештин Эл аралык иштер, коргоо, коопсуздук жана миграция боюнча комитетинин биргелешкен жыйынында кыргызстандык эмгек мигранттарынын укуктук статусу жана социалдык-экономикалык абалы талкууланды.
Бул тууралуу ТАСС агенттиги билдирди. Анын айтымында, кыргыз тараптын өкүлдөрү Россияга иштегени келген жарандардын социалдык жактан корголушун жогорулатуу боюнча бир катар кадамдарды сунушташты. КР Эмгек, социалдык камсыздоо жана миграция министринин орун басары Нурдөөлөт Базарбаев акыркы жылдары миграциялык саясат чөйрөсүндө Тараптар кабыл алган бир катар маанилүү кадамдарды белгиледи.
Ал, атап айтканда, Кыргызстанда миграциялык борборлорду түзүү чечимине токтолду, алар Россия Федерациясына кеткенде өз мекенинде бир катар процедуралык маселелерди чечүүгө, ошондой эле келечектеги иш тууралуу көбүрөөк билүүгө мүмкүнчүлүк берет. Ошону менен катар чиновник кыргызстандыктардын олуттуу бөлүгү дагы деле Россияда жарандык-укуктук келишимдерди тариздебей иштеп жатканына тынчсыздануусун билдирди, бул мигранттардын укуктарынын бузулушуна алып келет.