© Sputnik / Сергей Пивоваров / Перейти в фотобанк
Россия 30-марттан тарта Казакстан чек арасынан кургактык аркылуу өтүүгө тыюу салган чектөөнү алып салат. Бул тууралуу коронавирус инфекциясына каршы күрөшүү боюнча оперативдүү штабы билдирди. Ал эми өткөн аптада Өзбекстан Тажикстан жана Казакстан менен чек ара бекеттери аркылуу өтүүгө коюлган чектөөнү алып салган. Тажикстандан Орусияга 2 жылдан ашык жабык турган кургактык жолу, эми толугу менен ачылды. Жакынкы келечекте өлкөлөр ортосундагы транзиттик автобус каттамдары ачылат, поезд кыймылынын кайра жанданышын күтүү гана калды. Sputnik Тажикстан орусиялык жана тажикстандык эксперттерге чектөөлөрдүн алынышы миграция агымына таасир этеби же жокпу, баа берүүнү суранды. <…> Азырынча Россияда кадрлардын сыртка агылып кетиши, ошондой эле мигранттарды эң көп талап кылган тармактардын токтоп калышы байкала элек. Бирок жакынкы убакка чейин жумушка чыгам деп жүргөн жарандардын көбү азыр кетүүгө шашылбай, эмгек рыногунда ачык-айкын перспективаларды күтүшүүдө, деп билдирди Москва өкмөтүнүн алдындагы улуттар кеңешинин мүчөсү Юрий Московский.