Фото: РИА Новости/ Алексей Майшев
Мамлекеттик Дума мыйзамсыз мигранттардын кылмыштарын оорлатуучу жагдай катары тааныйт.
Мамлекеттик Дума пленардык отурумда мыйзамсыз мигрант тарабынан кылмыш жасалганын оорлатуучу жагдай катары таануу боюнча мыйзам долбоорун биринчи окууда кабыл алды.
Мыйзам долбоорунун авторлору Мамлекеттик Думанын төрагасы Вячеслав Володин, миграциялык саясат боюнча ГД комиссиясынын жетекчиси, вице-спикер Ирина Яровая, бардык парламенттик фракцияларынын лидерлери жана ГД депутаттары болуп саналат. Мыйзам долбоору РФ өкмөтү, Жогорку сот, Башкы прокуратура жана Тергөөнүн комитети тарабынан колдоого алынган.
Мыйзам долбоорунда РФ Кылмыш-жаза кодексинин 63-беренесин жаңы «т» пункту менен толуктоо сунушталууда, анын негизинде Россия Федерациясынын аймагында мыйзамсыз жүргөн адам тарабынан кылмыш жасалгандыгы оорлатуучу жагдай катары таанылат.
Володин мурда билдиргендей, Тергөө комитетинин маалыматы боюнча, быйыл мындай кылмыштардын саны үч эсе көбөйдү — 8 миң эпизодко чейин.