Фото: пресс-служба ГУ МВД России по Московской области
Москва эмгек мигранттарын Россияга эң көп жөнөткөн өлкөлөрдө уюштуруу борборлорун ачууну талап кылууда. Бул тууралуу шаршемби күнү Россиянын ТИМ Сергей Лавров Мамлекеттик Думанын пленардык отурумундун өкмөттүк сааттында айтты. «Азыр биз эмгек мигранттарынын негизги бөлүгүн камсыз кылган өлкөлөр менен (мындай борборлорду ачууну) талап кылып жатабыз, булар Кыргызстан, Тажикстан жана Өзбекстан, биз алар менен ушул өлкөлөрдө эмгек мигранттарын окутуу борборлорун уюштуруу боюнча макулдашып жатабыз»,– деди ал. Министрдин айтымында, мындай борборлор мигранттарды орус тилин жана Россия Федерациясынын мыйзамдарын билүүгө даярдай алышат. Лавров белгилегендей, мигранттарга байланыштуу түзүлгөн кырдаал, өзгөчө, алар катышкан окуяларга келгенде, коомдо эмоционалдык реакция пайда кылат. Ал белгилегендей, учурда бул көйгөйгө ИИМ тарабынан абдан олуттуу көңүл бурулуп жатат. «Бул процесстер бүгүнкү күндө коомдо эки ача пикирди жаратып жатканы түшүнүктүү, биз коңшу республикалардан келген эмгек мигранттарынын катышуусундагы ар кандай окуялар канчалык эмоционалдуу кабыл алынганын көрүп жатабыз»,– деп кошумчалады ал.