Фото:© Сергей Савостьянов/ТАСС.
2022-жылдын 22-сентябрында Москва шаарында Кыргыз Республикасынын Ички иштер министрлигинин Россия Федерациясындагы өкүлдөрүнүн, Москва шаарында жана Москва облусунда жашаган диаспора лидерлери жана аксакалдар менен жолугушуусу болуп өттү. Чогулгандардын алдында сүйлөгөн сөзүндө КМШ УККБнын директорунун орун басары, полковник Аскат Алиев Россия Федерациясынын Куралдуу күчтөрүн толук эмес мобилизациялоону жарыялоо жөнүндө Россиянын Президенти Владимир Путиндин Жарлыгы тууралуу кеңири айтып берди. Алиевдин айтымында, Кыргызстандын жарандары начар маалымдалган, социалдык тармактарда такталбаган маалыматтар пайда болду. Полковник чогулгандарды: «Дүрбөлөңгө түшүүнүн кажети жок, РФ Президентинин жарлыгына ылайык, запастагы орус жарандары жана биринчи кезекте Куралдуу Күчтөрдүн катарында кызмат өтөгөндөр белгилүү бир аскердик-каттоо адистиктерине жана тиешелүү тажрыйбага ээ болгондор гана аскерге чакырылат», – деп ишендирди.