Фото: РИА Новости/Табылды Кадырбеков
Эмгек, социалдык камсыздоо жана миграция министри Кудайберген Базарбаев Москвадагы кыргыз диаспорасынын өкүлдөрү менен жолугушту. Бул тууралуу ведомствонун басма сөз кызматы билдирди. Чиновник чет өлкөлөрдөгү кыргыз диаспоралары КРнын экономикасынын өнүгүшүнө, социалдык жана маданий байланыштарды ишке ашырууга чоң салым кошконун белгиледи. «Биздин мекендештер өз бизнесин түзүп, түрдүү тармактарга инвестиция салып, өлкөбүзгө олуттуу каражаттарды алып келүүдө. 13-марттан тарта чет элдик паспорту бар мекендештерден Кыргызстандын аймагына эркин кирип-чыгууга, иштөөгө жана башка ар кандай кызматтарды алууга укук берген “Мекен картаны” алуу үчүн документтер кабыл алына баштады”, – деди ал.