Фото: ТАСС / Фадеичев Сергей
Москвада Коопсуздук кеңешинин «коомдук коопсуздук» боюнча Ведомстволор аралык комиссиясынын жыйыны өтүп, анын негизги темасы мигранттар арасындагы кылмыштуулук болду. Эске салсак, Борбордук федералдык округдагы коопсуздук маселелери боюнча өткөн жыйында Россия Федерациясынын Коопсуздук кеңешинин катчысы Николай Патрушев чет элдик эмгек мигранттарынын ири агымы кылмыштуулуктун өсүшүнө олуттуу коркунуч алып келерин айткан. Анын айтымында, бул этникалык жана диний негиздеги чыр-чатактар, башаламандыктар менен коштолууда. Ал ошондой эле жергиликтүү калктын арасында чыңалуунун күчөшүнө алып келет. Андыктан, Коопсуздук кеңешинин катчысы аймактардын жетекчилерин жана күч түзүмдөрүн мигранттар арасында радикалдык идеологиянын жайылышына жол бербөө жана алардын Орусиянын мыйзамдарына ылайык келишин өзгөчө көзөмөлгө алууга чакырды. Ал эми Коопсуздук кеңешинин катчысы күч түзүмдөрүнөн эмгек мигранттарынын жашаган жана иштеген жерлеринде коомдук коопсуздуктун деңгээлин жогорулатууну өтүндү. Бул маселелердин баары Коопсуздук кеңешинин Ведомстволор аралык комиссиясынын жыйынында талкууланды.