Фото: РИА Новости/Александр Кряжев
Ведомстволор аралык бирдиктүү маалыматтык-статистикалык системада (ВАБМСС (ЕМИСС), платформаны Росстат көзөмөлдөйт) жарыяланган ФСБнын статистикасына ылайык, 2023-жылдын биринчи кварталында 1,3 миллион чет элдик Орусияга иштөө максатында кирген. Бул өткөн жылдын ушул мезгилине салыштырмалуу 1,6 эсеге көп – анда өлкөгө иштөө үчүн башка мамлекеттерден 841 501 жаран келген. ФСБнын маалыматы боюнча, эмгек мигранттарынын негизги агымы Өзбекстандан (630 859 адам), Тажикстандан (349 357), Кыргызстандан (172 591), Армениядан (47 337) жана Казакстандан (34 783) келгендердин эсебинен болгон. Россияда иштегиси келгендердин арасында алыскы өлкөлөрдөн келген жарандар да бар: ушул максатта, мисалы, Бенинден, Гаитиден, Малавиден, БАЭден жана Доминика Республикасынан бирден жаран келген.