Ведомствонун басма сөз кызматы билдиргендей, тапшырмалардын саны көбөйтүлүп, "Аудирование" жана "Говорение" бөлүмдөрү боюнча милдеттүү упайлар белгиленди

Орус тилин чет тили катары билүү, Россиянын тарыхы жана РФ мыйзамдары боюнча мигранттар үчүн экзаменде аудирование жана оозеки сүйлөө тапшырмаларын аткаруу талаптары 10-июлдан тартып өзгөрөт. Бул тууралуу Рособрнадзордун басма сөз кызматы кабарлады.

Ведомствонун мурдагы билдирүүсүндө иштөөгө же патент алууга уруксат алуу экзаменинде аудирование тапшырмаларынын саны көбөйгөнү айтылган. Эми мындай тапшырмалар эки эмес, төрт болот. Ошондой эле экзаменди ийгиликтүү тапшыруу үчүн "Аудирование" бөлүмү боюнча милдеттүү упайлар киргизилди.

Ведомство ошондой эле Россияда убактылуу жашоо уруксатын же жашоо уруксатын алуу экзаменинде ийгиликтүү тапшыруу үчүн "Аудирование" жана "Говорение" бөлүмдөрү боюнча милдеттүү упайларды белгиледи. Мындай чаралар орус тилин билүү боюнча тесттин натыйжаларынын объективдүүлүгүн жогорулатууга жана Россияда жашап, иштөөнү каалаган чет элдик жарандарды тилди үйрөнүүгө түрткү берүү үчүн кабыл алынды деп баса белгилешти Рособрнадзордо.