Bu yerga Rossiyada bo'lish uchun qonuniy asoslarini yo'qotgan odamlar kiritiladi

Rossiyada nazorat qilinayotgan shaxslar reestri 3 iyun holatiga ko'ra, deyarli 772 ming xorijiy fuqarolar haqida ma'lumotlarni o'z ichiga oladi. Bu haqda Rossiya IIV Migratsiya masalalari boshqarmasi o'rinbosari Vitaliy Yakovlev ma'lum qildi.

Gap xorijiy fuqarolar va fuqaroligi bo'lmagan shaxslar haqida bormoqda, ular nazorat qilinayotgan shaxslar reestriga kiritilgan. Bu yerga Rossiyada bo'lish uchun qonuniy asoslarini yo'qotgan odamlar kiritiladi. Dastlabki tahrirga ko'ra, ular 30 aprelga qadar Rossiyadagi holatini qonuniylashtirishlari yoki mamlakatni tark etishlari kerak edi. Biroq, 28 aprel kuni Rossiya prezidenti Vladimir Putin bu muddatni 10 sentyabrgacha uzaytirdi.

"3 iyun holatiga ko'ra, nazorat qilinayotgan shaxslar reestrida deyarli 772 ming xorijiy fuqarolar haqida ma'lumotlar mavjud. <...> Bir vaqtning o'zida, o'z huquqiy holatini tartibga solish uchun 80 mingdan ortiq xorijiy fuqarolar murojaat qilgan, bu esa nazorat qilinayotgan shaxslar reestridagi shaxslarning atigi 10,5 foizini tashkil etadi", - dedi u xalqaro "Tinchlik, barqaror rivojlanish va migratsiya" konferensiyasida chiqish qilib.

 Yakovlev ta'kidlaganidek, eng faol ravishda ichki ishlar organlariga O'zbekiston, Tojikiston, Ozarbayjon, Armaniston fuqarolari murojaat qilmoqda. "Afsuski, boshqa davlatlarning vakillari kamroq faol murojaat qilishmoqda va shu munosabat bilan prezidentning farmonining amal qilish muddati tugagach, bu shaxslar Rossiya hududini tark etishga majbur bo'lishidan xavotirdamiz", - deb qo'shimcha qildi u.