Тағйироти дахлдор ба Кодекси андоз ворид карда шуд

Дар Русия аз 1 сентябр боҷи иловагии давлатӣ, аз ҷумла боҷҳои марбут ба сабти ном, сабти муҳоҷират ва иҷозатномаи кор ҷорӣ карда шуд.Тағйироти дахлдор ба Кодекси андози Федератсияи Русия ворид гардида, аз 1 сентябр эътибор пайдо кард.

Ҳамин тариқ, бо мақсади пурзӯр намудани назорати муҳоҷират як қатор пардохтҳои иловагӣ, аз ҷумла барои додани патент ё аз нав додани патент ба шаҳрванди хориҷӣ ё шахси бешаҳрванд – 4200 рубл, барои тамдиди муҳлати иҷозатномаи кор – 4200 рубл ҷорӣ карда мешаванд. Барои додани иҷозатномаи дубликати кор, ворид намудани тағйирот ба маълумоти дар иҷозатномаи кори муҳоҷир ё шахси бешаҳрвандӣ, ё дубликати патент, инчунин боҷ ҷорӣ карда шудааст. Маблағи он 2100 рубл аст.

Илова бар ин, барои додани дубликати муҷаввиз барои ҷалб ва истифодаи коргарони хориҷӣ, инчунин барои ворид намудани тағйирот ба онҳо - 2100 рубл, барои тамдиди муҳлати будубоши муваққатии шаҳрванди хориҷӣ дар Федератсияи Русия - 1000 рубл ва барои сабти ном дар маҳалли будубош - 500 рубл боҷи давлатӣ ҷорӣ карда шуд.

Мақомот интизор доранд, ки таҷдиди боҷи давлатӣ худи муҳоҷиронро водор мекунад, ки нисбат ба ҳуҷҷатҳо ва мӯҳлатҳои эътиборашон масъулиятшинос бошанд.