Аз моҳи январ дар Русия қонун дар бораи интиқоли маълумот дар бораи кӯдакони муҳоҷир ба Вазорати корҳои дохилӣ ба иҷро медарояд

Тартиби интиқоли маълумот дар бораи кӯдакони хориҷӣ ба Вазорати корҳои дохилӣ тасдиқ шудааст ва қонуни дахлдор аз моҳи январи соли 2026 мавриди амал қарор мегирад, гуфта мешавад дар вебсайти Вазорати маорифи Русия .

"Дар Русия аз 28 январи соли 2026 Қонуни федеролии рақами 314-ФЗ аз 31 июли соли 2025 эътибор пайдо мекунад. Қонуни мазкур табодули маълумот дар бораи кӯдакони муҳоҷирро миёни Вазорати корҳои дохилии Русия ва мақомоти маорифи Русия пешбинӣ мекунад", - омадааст дар хабарнома.

Муайян карда мешавад, ки Вазорати корҳои дохилӣ мақомоти маорифро дар бораи бақайдгирӣ ё хориҷ кардани фарзандони шаҳрвандони хориҷӣ огоҳ мекунад, ки ин имкон медиҳад, ки эҳтиёҷоти онҳо ба таҳсил зуд муайян карда шавад.

Дар навбати худ, Вазорати маорифи Русия ва мақомоти маҳаллии маориф ба Вазорати корҳои дохилии Русия дар бораи аризаи волидайни шаҳрванди хориҷӣ (аз ҷумла онҳое, ки ба феҳристи шахсони таҳти назорат қарор доранд) барои дохил шудан ба мактаб ё коллеҷ, натиҷаҳои имтиҳони забони русӣ ва маълумоти тасдиқкунандаи шомилшавии кӯдак ба муассисаи таълимӣ ё хориҷ шуданро пешниҳод мекунанд.

Пас аз роҳандозии табодули иттилоот Вазорати маорифи Русия ба мақомоти маорифи минтақавӣ ёрии методӣ мерасонад.