Муовини раиси Шӯрои амнияти Русия Дмитрий Медведев гуфт, мақомоти ҳифзи ҳуқуқи Федератсияи Русия дар ошкор кардани қонуншиканиҳо дар соҳаи татбиқи қонунгузории муҳоҷират фаъолтар шуданд.

Медведев дар ҷаласаи комиссияи байниидоравии Шӯрои амнияти Русия оид ба сиёсати муҳоҷират хабар дод, ки тибқи санҷишҳои додситонӣ, дар соли 2024 қариб 30 ҳазор қонуншиканӣ дар соҳаи татбиқи қонунгузории муҳоҷират ошкор шудааст.

"Дар ин самт воқеан мақомоти ҳифзи ҳуқуқ фаъолтар шуданд. Як силсила мавориди дағалонаи қонун ошкор карда шуд", - гуфт Медведев, навор дар саҳифаи худ дар "ВКонтакте" нашр шудааст.