Роҳбарон ва муовинони роҳбарони мақомоти ҳудудӣ, роҳбарони воҳидҳои сохторӣ оид ба масъалаҳои муҳоҷирати мақомоти ҳудудӣ ва муовинони онҳо метавонанд дар бораи ихроҷ қарор қабул кунанд.

Масъулини Вазорати корҳои дохилии Русия аз 5 феврали соли равон, вобаста  ба иҷро даромадани қонуни дахлдор салоҳият доранд, ки дар бораи ихроҷи маъмурии шаҳрвандони хориҷӣ ва шахсони бешаҳрвандӣ аз кишвар барои як қатор қонуншиканиҳо мустақилона қарор қабул кунанд.

Тибқи меъёрҳое, ки то 5 феврал амал мекарданд, хориҷ кардани хориҷиён ва шахсони бешаҳрвандро ҳамчун ҷазои маъмурӣ аз қаламрави Федератсияи Русия судя ва дар сурати содир шудани ҳуқуқвайронкунии маъмурӣ ҳангоми вуруд ба Русия аз ҷониби кормандони хадамоти сарҳадӣ амалӣ гардида шуд. Акнун кормандони Вазорати корҳои дохилӣ низ метавонанд ба таври маъмурӣ ихроҷ кунанд.

Роҳбарон ва муовинони роҳбарони мақомоти ҳудудӣ, роҳбарони воҳидҳои сохторӣ оид ба масъалаҳои муҳоҷирати мақомоти ҳудудӣ ва муовинони онҳо, роҳбарони воҳидҳои сохтории назорати маводи нашъаовари мақомоти ҳудудии Вазорати корҳои дохилӣ метавонанд дар бораи ихроҷ қарор қабул кунанд. Илова бар ин, барои содир намудани ҷиноятҳои алоҳидаи марбут ба нақзи низоми будубоши шаҳрвандони хориҷӣ дар Русия, сардорони шӯъбаҳои полиси қаторӣ дар нақлиёт ва муовинони онҳо ҳуқуқ доранд, ки дар бораи ихроҷ фармон диҳанд.

Муҳоҷир барои риоя накардани қоидаҳои вуруд, вайрон кардани режими будубош ё иқомат дар Русия (моддаи 18.8-и Кодекси ҳуқуқвайронкунии маъмурии Федератсияи Русия) ихроҷ карда мешавад. Шумо метавонед аз болои қарори депортатсия дар давоми 10 рӯз аз рӯзи гирифтани он ба тариқи суд шикоят кунед. Имзои фармон кабул шудани онро тасдик мекунад.