Фото с сайта rg.ru.
Москвада мигранттардын патенти айына 5900дөн 6600 рублга чейин өсөт, мындай чечим шаршемби күнү борбор калаанын парламентинин пленардык жыйынында кабыл алынды. “Мыйзам долбоорунда 2023-жылы мигранттар үчүн патенттин баасын аныктоо максатында аймактык коэффициентти белгилөө каралып жатат. 2022-жылы эмгек мигранттары үчүн салттуу тармактарда расмий айлык акы 2021-жылга салыштырмалуу 11,5%га өскөн. Патенттин баасын барабар индексациялоо максатында региондук коэффициентти 2,4229 өлчөмүндө белгилөө сунушталууда. Буга ылайык, патенттин баасы айына 5900 рублдан 6600 рублга чейин көтөрүлөт», — деди Москва шаарынын экономикалык саясат жана өнүктүрүү департаментинин жетекчисинин орун басары Дарья Мурченко.