Фото: РИА Новости / Павел Бедняков.
Moskva tumanlarida millatlararo munosabatlar bo‘yicha kengashlar tashkil etilmoqda. Yangi Moskvada kengash o‘tgan yilning dekabr oyida ishlay boshladi. Hozirda ularning soni 21ta – aholi punktlari va shahar tumanlari soniga ko‘ra. Millatlararo munosabatlar bo‘yicha kengashga kim kirishi mumkin va uning ishi nimadan iboratligi haqida, TiNAO prefekturasining ijtimoiy sohani rivojlantirish boshqarmasi boshlig‘i o‘rinbosari Elena Strushkova aif.ru nashriga so‘zlab berdi.
Inna Aleynikova, aif.ru: – Elena Borisovna, kengashlar nima uchun kerak?
Elena Strushkova: – Bu davlat-jamoat tuzilmasi bo‘lib, u erda mahalliy hokimiyat organlari, IIB, ta’lim, madaniyat, sport muassasalari, shuningdek, ish beruvchilar va mehnat muhojirlarining jamoatchilik fikrining norasmiy rahbarlari, masalan, qurilish ob’ektlarining prorablari muloqot uchun yig‘iladigan joydir. Yangi Moskvaning hududlari etnik tarkibda ham, aholi soni bo‘yicha ham juda farq qiladi. Muammolar ham har xil. Birida 4 ming aholi bo‘lishi mumkin, muhojirlar faqat uy-joy kommunal xo‘jaligi sohasida ishlaydilar, ikkinchisida esa 80 ming aholi, muhojirlar ishlab ijaraga olingan va sotib olingan kvartiralarda yashaydilar. TiNAOda muhojirlar 200 dan ortiq qurilish maydonchalarida ishlaydi va bunday ob’ektlar soni faqat ortib bormoqda.