Иллюстрация: ММЦ «Сахарово»
Намояндагии вазорати меҳнат, муҳоҷират ва шуғли аҳолии Тоҷикистон дар Русия аз тоҷикистониён аз сабаби ҳолати ба миён омадаи геосиёсӣ ва ноустувории иқтисодӣ дар ҷаҳон ба таҳлука наафтиданро хоҳиш мекунад. Ва дар давраи будубош дар ин кишвар риоя кардани меъёрҳои бо қонунгузории ФР муқараргардидаро низ. Оиди ин имрӯз, 3 март, ОИ «Азия Плюс» бо истинод ба арзияи идора, ки дар Facebook интишор гардидааст, хабар медиҳад. Нисбати овозаҳо оиди фаъолияти Маркази бисёрсоҳавии муҳоҷиратии «Сахарово» дар Маскав, идора қайд мекунад, ки он дар тартиби муқарраргардида ҳамарӯза аз соати 8.00 то 20.00 барои шаҳрвандони хориҷӣ кор мекунад.
«Дар шабакаҳои иҷтимоӣ блогерон ва шахсони шавқманд овозаҳои гуногуни беасоси ҳамагунаро оиди фаъолияти Маркази бисёрсоҳавии муҳоҷиратии «Сахарово» паҳн карда истодаанд». Шаҳрвандони мо набояд ба чунин овозаҳои беасос бовар кунанд ва пардохти ҳармоҳа барои иҷозатнома ба корро (патент) пардохт карда ва ба марказ муроҷиат карда метавонанд»,– гуфта мешавад дар хабар. Идора ба ҳамватанон истифода бурдан аз хизматрасониҳои бонкҳо ва нигоҳ доштани расидҳоро ҳангоми пардохти боҷи ҳармоҳа барои иҷозатнома ба кор (патент) тавсия медиҳад. Бо ин нишон медиҳад, ки аз сабаби ҳолати ба миён омадаи бонкӣ пеш аз муҳлат (2-3 рӯз қаблтар) пардохтан мувофиқи мақсад аст. Аз сабаби лаппишҳои қурби мубодилаи асъор аз хароҷотҳои дуюминдараҷа худдорӣ ва маблағро сарфа карданро маслиҳад медиҳад. Инчунин то убури сарҳади давлатии ФР тафтиш намудани иттилоот оиди худро дар махзани маълумотҳои ВКД ФР оиди таъқиқҳо ба вуруд ва танҳо баъд аз он убур кардани сарҳади давлатӣ лозим аст.