Фото : РИА Новости/Максим Блинов
«Москва агломерациясындагы Борбор Азиядан келген мигранттар: ишке орношуу, баалуулуктар, репродуктивдүү жана миграциялык түзүлүштөр» изилдөөсүнө ылайык, Кыргызстандан Москвага жана Москва облусуна иштөө үчүн келген он эмгек мигрантынын сегизи эмгек акысынын өлчөмүнө ыраазы. Бул тууралуу бүгүн, 19-сентябрда Кыргыз-Орус Славян университетинде (КРСУ) өткөн эл аралык аналитикалык конференцияда сүйлөгөн сөзүндө ЕАЭБдеги социалдык-демографиялык процесстерди изилдөө бөлүмүнүн жетекчиси, социология илимдеринин доктору, профессор Галина Осадчая билдирди. Анын айтымында, мигранттар арасында социологиялык изилдөө жүргүзүү үчүн Кыргызстан, Казакстан, Өзбекстан жана Тажикстандан Москвада жана Москва облусунда иштеген 18 жаштан 45 жашка чейинки 970 адам суралган.