Фото: mos.ru.
2022-жылдын 26-июлунда Москва шаарынын Улуттук саясат жана аймак аралык байланыштар департаментинин жетекчиси Виталий Сучков Москва шаарындагы «Азербайжан улуттук-маданий автономиясы» аймактык коомдук уюмунун жакында шайланган төрагасы Бахтияр Гасанов менен жолугушту. Болуп өткөн маектин алкагында Россиянын борбор калаасында улут аралык тынчтыкты жана ынтымакты колдоодо, маданият аралык диалогду курууда чоӊ роль улуттук коомдук бирикмелерге таандык экени белгиленди. Жолугушуунун жүрүшүндө азербайжан улуттук-маданий автономиясы менен шаардын өкмөтүнүн борбор калаада этнос аралык мамилелерди гармониялаштыруу, азербайжан маданий салттарын сактоо маселелеринде өз ара аракеттешүүсүнүн келечектери талкууланды. Тараптар келип чыккан ар кандай маселелерди чечүүгө бирдей кызыкдарлыгын жана өзгөрүлгүс даярлыгын билдиришти. Виталий Сучков Бахтияр Гасановду Москва шаарындагы «Азербайжан улуттук-маданий автономиясы» аймактык коомдук уюмунун төрагасы кызматына шайланышы менен чын жүрөктөн куттуктады. Департаменттин жетекчиси улуттук-маданий автономиянын жаӊы жетекчиликтин кол астында андан ары иштөөсү азербайжан калкынын маданияты менен салттарын мындан ары сактоого, мекенчилдикке тарбиялоого жана көп улуттуу борбор калаанын тургундарынын ортосундагы достукту чыӊдоого көмөктөшөрүнө ишеничин билдирди.