Фото: ВС РФ/mil.ru.
Москвада «Сахарово» миграциялык борборунун базасында Россиянын Коргоо министрлигине чет элдик жарандардын аскер кызматына киришин уюштурууга көмөктөшүүчү толук кандуу инфраструктура түзүлөт. Бул тууралуу мэр Сергей Собянин билдирди. Анын айтымында, чет өлкөлүк жарандар үчүн аскердик кызматка кирүү боюнча Коргоо министрлиги менен келишим түзүү тартиби мүмкүн болушунча ыңгайлуу болот. Собянин «Сахарово» миграция борбору – бул мигранттардын эмгек менен камсыз болуу маселелерин чечүү үчүн бирдиктүү терезе экендигин эске салды. Бул жерде чет өлкөлүк жарандар Москвада иштөө укугун тастыктаган патенттерди тариздешет.