Фото: Сергей Булкин/NEWS.ru
Россиянын ИИМ туруктуу жашоо режимин чет өлкөлүк жаранга келечекте Россиянын жарандыгын алууга мүмкүнчүлүк берген негизги миграциялык статус катары эсептейт. Бул тууралуу ТАСС агенттигине Россиянын ИИМ Миграция боюнча башкы башкармалыгынын башчысы Валентина Казакова билдирди. Анын айтымында, чет өлкөлүк жаранга келечекте Россия Федерациясынын жарандыгын алуу үчүн кайрылууга мүмкүндүк берүүчү «негизги миграциялык статус» катары ведомство туруктуу жашоо режимин карайт. «Буга байланыштуу укуктук режим биринчи кезекте орус тилин билген, менталитет жана маданият жагынан бизге жакын чет өлкөлүк жарандарга берилет»,– деп кошумчалады ал. Туруктуу жашоо укугу чектөөсүз мөөнөткө берилет, деп баса белгиледи башкармалыктын жетекчиси. Учурда, анын айтымында, анын аналогу катары жашап турууга уруксат режими саналат.