Жаңы Москванын Вороновский конушундагы көп функционалдуу миграциялык борборго (ММБ) кирүүчү жол кеңейтилет, деп маалымдайт борбор калаанын меринин расмий сайты. «Акыркы жылдары унаа агымы бир топ көбөйдү, натыйжада Сахарово айыл аймагында ММБны көздөй тыгындар пайда болду. Жолду кеңейтүү өтүнүчү менен бир нече жолу жергиликтүү тургундар дагы, жакын жерде жайгашкан коммерциялык эмес багбанчылык бирикмелеринде жашаган жайкы жашоочулар дагы кайрылышкан», деди борбор калаанын капиталдык оңдоо департаментинин орун басары Антон Акулов. Жолду кеңейтүү Сахарово айылынын кире беришинен миграциялык борборго чейинки тилкеде каралууда. Учурдагы эки тилкеге туурасы 3,5 м болгон үчүнчү тилке кошулат. Керектүү иштер учурда жүрүп жатат. Ошондой эле, миграциялык борбордун кире беришине жаңы тротуарлар, энергияны үнөмдөөчү чырактар жана төрт заманбап токтоочу павильондор орнотулат.
Жаңы Москвада миграциялык борборго жол кеңейтилет
