Фото: РИА Новости/Владимир Астапкович
Чет элдик жарандардын боорукер жана баатырдык иштерин баяндаган «Борбор калаанын окуялары» аттуу сынагы Москвада башталды. Бул тууралуу шаардык улуттук саясат жана аймактар аралык байланыштар департаментинин басма сөз кызматы билдирди. «Миграция саясаты, социалдык жана маданий адаптациялоо жана чет өлкөлүк жарандарды интеграциялоо жаатындагы сынак Москва шаарынын улуттук саясат жана аймактар аралык байланыштар департаментинин колдоосу менен экинчи жолу өткөрүлүп жатат. Сынактын максаты – борбор калаанын тургундарына чет өлкөлүк жарандардын шаардын жана москвалыктардын жыргалчылыгы үчүн жасаган баатырдык, боорукердик, жан аябас эрдиктери тууралуу айтып берүү», – деп айтылат маалыматта. Сынактын уюштуруучусу «Эл аралык интеграциялык технологиялар»коммерциялык эмес фонду болот. <… > «Менин көз карашымда, «Борбор калаанын окуялары» биринчи конкурсу көптөгөн чын ыкластуу жана чынчыл баяндарды топтогону таң калыштуу деле эмес, анткени Москвада күн сайын жакшы иштер, атүгүл чыныгы эрдиктер жасалып жатат. Бул тууралуу айтуу, мындай адамдарды өздөрүнүн улуттук диаспораларында гана эмес, москвалыктар арасында да үлгү катары көрсөтүү абдан маанилүү», – деп жазат борбор калаанын улуттук саясат жана аймактар аралык мамилелер башкармалыгынын башчысы Виталий Сучковдун басма сөз кызматы билдирди.