Татьяна Замахина/ Фото: РИА Новости/ Владимир Федоренко
Дума қонунеро қабул кард, ки низоми ихроҷи хориҷиёнро аз Федератсияи Русия ҷорӣ мекунад
Думаи давлатӣ лоиҳаи қонун дар бораи низоми нави муҳоҷирати депортатсияи хориҷиёнро дар хониши дуюм ва сеюм қабул кард.
Ҳуҷҷат моҳи апрел барои баррасӣ пешниҳод шуда буд. Бар асоси ин тарҳ, афроде, ки барои онҳо низоми нави депортатсия ҷорӣ мешавад, наметавонанд бидуни иҷозаи мақомоти умури дохилӣ ҷои иқомат ва будубоши худро дар Русия иваз кунанд. Ба онҳо инчунин сафар берун аз минтақаи истиқомат, рондани мошин, ба даст овардани молу мулк ва издивоҷ манъ карда мешавад.
Илова бар ин, чунин шаҳрвандони хориҷӣ ба феҳристи шахсони назоратшаванда ворид карда мешаванд, ки ҳам мақомоти давлатӣ ва ҳам ҳама шахсони ҳуқуқӣ ва воқеӣ ба онҳо дастрасӣ доранд. Ташкилотҳои қарзӣ вазифадоранд, ки маълумот дар бораи муомилот, суратҳисобҳо ва пасандозҳои шахсони дар ин рӯйхат иловашударо пешниҳод кунанд.