Фото: РИА Новости/ Константин Михальчевский
Муҳоҷире, ки қасд дорад ҳамроҳи хонаводааш ба Федератсияи Русия кӯчида равад, бояд қаблан ба фарзандаш забони русиро омӯзонад, то фарҳанги рафтор ва муошират бо ҳамсолонашро дарк кунад, гуфт раиси Хадамоти федералии назорат дар соҳаи маориф ва илм Анзор Музаев.
Ахиран лоиҳаи қонуне ба Думаи давлатӣ пешниҳод шуд, ки бар асоси он фарзандони хориҷие, ки шаҳрвандии Русияро надоранд, қабл аз қабул ба мактабҳо аз санҷиши дониши забони русӣ мегузаранд. Муаллифони лоиҳа вакилони ЛДПР таҳти раҳбарии раҳбари ҳизб Леонид Слутский буданд.
«Агар шумо ҳаёти худро бо Русия пайваст кунед, мехоҳед, ки шаҳрванди он шавед, мехоҳед, ки фарзандонатон дар ин ҷо таҳсил кунанд, пас бе донистани забони русӣ, шумо чӣ гуна метавонед дониш ёбед, агар ягон оила кӯчидан ва зиндагӣ кунад дар ин ҷо, то фарзандони онҳо дар мактабҳои мо таҳсил кунанд, албатта, бояд муддати тӯлонӣ, пешакӣ кор кунанд, то кӯдак забони русиро донад», — гуфт Музаев.