Фото: © СК РФ
Тибқи иттилооти сарраёсати ВКД ФР, ҳодиса дар рӯзи ҷумъа рух додааст. Соҳиби автомашина ҳангоми тафтиши ҳуҷҷатҳо дар бозори «Садовод» барои пинҳон шудан аз корманди политсия кӯшиш карда, онро дар мошин якчанд метр кашола кард. Баъд аз ин вайронкунандаи қоида аз мошини худ баромад ва ба корманди политсия якчанд зарба зад.
Дар идора саҳеҳ карданд, ки ҳангоми дастгиркунии мард ба назди кормандони политсия гурӯҳи «шаҳрвандони кайфияти бадҷаҳлидошта (бештар аз 80 нафар)» омада, бо буридани чархи мошини хизматӣ, онҳоро ҷудо карданӣ шуданд. «Бисту ду нафар дар содир кардани ҷиноят аз рӯи қисми 3 моддаи 18.8, қисми 3.1 моддаи 18.8 КҲМ ФР (вайронкунии қоидаҳои вуруд ё ки тартиби будубош дар ФР) айбдор эътироф карда шуда, ба маркази нигоҳдории муваққатии шаҳрвандони хориҷӣ равона карда шуданд», – гуфтанд дар суд. Боз 51 иштирокчиёни занозанӣ ба ҳабси маъмурӣ ба муҳлатҳои гуногун барои иҷро накардани талаботи қонунии корманди политсия (қисми 1 моддаи 19.3 КҲМ ФР) равона шуданд. Қаблан суд ронандаеро, ки боз доштани ӯ боиси ҳодиса шудааст, ба ҳабс гирифта буд. Ба ӯ айбдоркунӣ дар дашном додан ва татбиқи зӯроварӣ нисбати намояндаи ҳокимият эълон карда шудааст. Тафтишотро сарвари КТ Россия Александр Бастрикин шахсан таҳти назорати худ гирифтааст.