Фото : РИА Новости/Денис Гришкин
Сарвари Шӯрои оид ба ҳуқуқҳои инсон дар назди президент (ШҲИ) Валерий Фадеев ҳамоҳангкунии ҷараёнҳои додани шиносномаи россиягӣ ба хориҷиён ва ба қайди ҳарбӣ гузоштани онҳоро пешниҳод кард. «Шаҳрвандони нави Россия бояд на танҳо ҳуқуқҳо, вале ӯҳдадориҳо низ дошта бошанд. Аз он ҷумла, Ватани худро муҳофиза кунанд. Аксаран онҳо шиносномаи Россия ва шаҳрвандии Россияро мегиранд, ба қайди ҳарбӣ истоданро фаромуш мекунанд – ин нодуруст аст», – иброз дошт ӯ. ШҲИ барои коркарди санадҳои меъёрии мутобиқ омода аст, афзуд Фадеев. Мутобиқи қонуни «Дар бораи ӯҳдадории ҳарбӣ ва хизмати ҳарбӣ» шаҳрвандони шаҳрвандии Россияро қабулкарда, ӯҳдадоранд, ки дар давоми ду ҳафта ба қайди ҳарбӣ истанд. Дар август дар минтақаҳои Россия рейдҳои политсия байни муҳоҷирон бо шаҳрвандии Россия зиёд шуданд: онҳоро ба комиссариатҳои ҳарбӣ барои ба қайди муҳоҷиратӣ истодан мебаранд.