Фото : РИА Новости/Денис Гришкин
Адам укуктары боюнча президенттик Кеңештин (АУК) башчысы Валерий Фадеев чет өлкөлүктөргө орус паспортун берүү жана аларды аскердик каттоого коюу процесстерин синхрондоштурууну сунуштады. «Россиянын жаңы жарандары укуктарга гана эмес, милдеттерге да ээ болушу керек. Анын ичинде өз мекенин коргоо. Алар көбүнчө орус паспортун жана орус жарандыгын алышат, ал эми аскердик каттоого турууну унутуп коюшат- бул туура эмес», – деди ал. АУК тиешелүү нормативдик актыларды иштеп чыгууга катышууга даяр, деп кошумчалады Фадеев. «Аскердик милдет жана аскердик кызмат жөнүндө» мыйзамга ылайык, Россиянын жарандыгын алган жарандар эки жуманын ичинде аскердик каттоого турууга милдеттүү. Август айында Россиянын аймактарында орус жарандыгы бар мигранттар боюнча полициянын рейддери көбөйгөн: аларды аскердик каттоого туруу үчүн аскер комиссариаттарына алып барып жатышат.