Фото: РИА Новости/Александр Кряжев
Москвада мурдагы СССР өлкөлөрүнөн келген курулуш тармагында иштеген мигранттардын компетенциясын текшерүү борборлору ачылат, бул тууралуу курулушчулардын Улуттук бирикмесинин тегерек столунда борбор калаадагы миграция борборунун жетекчисинин орун басары Олег Нуждин билдирди. Анын айтымында, Москва жана Москва облусу үчүн курулуш тармагы экономиканын негизги кыймылдаткычтарынын бири болуп эсептелет. Ошол эле учурда кадрлардын жетишсиздик маселеси биринчи кезектеги милдеттердин бири болуп саналат, аны чечүү үчүн Москванын мэри Сергей Собяниндин тапшырмасы менен Өзбекстанда, Тажикстанда борбор калаанын миграциялык борборунун өкүлчүлүктөрү ачылган жана ошондой эле Кыргызстанда дагы ачуу пландалып жатат.