Фото: портал 24KG
Москвада тажик-ооган чек арасында кызмат өтөгөн кыргызстандык тынчтык орнотуучу ардагерлер Мекенди коргоочулар күнүнө карата кичи-футбол боюнча мелдеш өткөрдү. Бул тууралуу 24.kgге КР ардагерлеринин Россия Федерациясындагы ыйгарым укуктуу өкүлү Бакытбек Ырсалиев билдирди.
«Альфа» спорт комплексинде өткөн турнирге биздин мигранттардан турган 48 команда катышты. Биздин аймактардын бардыгы камтылды. Байге фонду 50 миң рублдан ашты. Биринчи орунду Ош облусунан, экинчи орунду Таластан, үчүнчү орунду Ысык-Көл облусунан келген командалар ээ болушту.
Акчалай сыйлыктардан тышкары грамоталарды жана ыраазычылык каттарды, ошондой эле Мыкты оюнчу, дарбазачы, бомбардир жана башка номинацияларды тапшыруу каралган», – деди ал.