Фото РИА Новости-Павел Лисицын.
Россия Федерациясына мурдагы советтик мейкиндиктин республикаларынан чоң массалык миграциянын себеби, Россияда, атап айтканда Москвада, Санкт-Петербургда, Тюменде, Якутияда жана башка өнөр жайлуу шаарларда квалификациясыз жумушчулар үчүн эмгек акынын жогору деңгээли болуп саналат, деп айтты Москванын миграциялык юристи Егор Андреев.
«Мисалы, Кыргыз Республикасынын борбор калаасы Бишкекте эмгек акы рублга эквивалентте айына 10 миң рублди түзөт. Россияда башкаруучу компаниядагы короо шыпыруучунун айлыгынын базалык коюму 40 миң рублди түзөт. Бул эмгек акы төлөө деңгээлинен төрт эсе ашат. Экинчи аныктоочу фактор, пандемия аяктады жана Армения, Кыргызстан, Өзбекстан, Тажикстан республикаларынан жана башка өлкөлөрдөн үзгүлтүксүз учуулар жаңыланды. Эмгек миграциясынын үчүнчү фактору, Россияда турак-жай курулушу, жаңы жолдорду, магистралдарды куруу жана шаар инфратүзүмүн абаттандыруу жаатындагы чоң мамлекеттик долбоорлордун барлыгы. Төртүнчү фактор, бардык эмгек мигранттары эмгек ишмердүүлүгүнө укук берүүчү патентти тариздебөөгө жана ал үчүн ай сайын 5 900 рубль суммасындагы салыкты төлөбөөгө мүмкүнчүлүккө ээ, бул Москвадагы тариф. Эмгек мигранттары убактылуу жашоого уруксатты «РВП», жашап турууга уруксатты «ВНЖ» тариздөө жана Россиянын жарандыгын алуу мүмкүнчүлүгүнө ээ болушат. Бул аларды башка макамда легалдаштырат да, жумуш, жашаган жерди тандоо жана өз бизнесин ачуу менен жеке ишкер катары катталуу үчүн кыйла кеңири мүмкүнчүлүктөрдү берет. Сыягы, Россия Федерациясынын аймактарында иштешкен жана жумушчу адистиктер боюнча керектөөлөрдү жабышкан чет элдик жарандар үчүн түзүлгөн шарттарды эске алсак, мындан ары да Россияга эмгек миграциясынын өсүүсү улана берет»,– деп түшүндүрдү эксперт.