Фото : globallookpress/Ilya Galakhov.
Россияда тейлөө жана курулуш тармагында иштеген мигранттардын бир бөлүгү мекенине кайтып келүүдө. Бирок, массалык кетүү байкалбай эле. Москвада таксисттердин көбү чет элдиктер. Акыркы убакта алардын кирешеси азайганын РИА Новости белгилейт. Коомдук транспорт кызматкерлеринин аймактар аралык профсоюзунун координациялык кеңешинин төрагасы Андрей Попков тетиктердин, күйүүчү майдын, унаалардын бааларынын көтөрүлгөнүн эске салды. Мындан улам айдоочулар көбүрөөк акча төлөшү керек. Курулуш тармагында мигранттардын тартыштыгы сезилип жатат. Бирок айрым долбоорлор ушунун себебинен улам токтоп калган эмес. Бизнесмендер Борбордук банктан ставканы түшүрүшүн күтүп жатышкан, деп билдирди Бүткүл Россиялык улуттук курулуш саясаты борборунун жетекчиси Александр Моор. Жалпысынан гастарбайтерлердин өлкөдөн кетүү агымы катталган жок, деп билдирди Россиянын Мигранттар федерациясы. Буга чейин Москвада мигранттарды мыйзамсыз каттоого алган ИИМ кызматкери кармалган. Алдын ала маалыматтар боюнча, ал 2021-жылдын январь айынан июль айына чейин чет элдиктердин иш кагаздарын каттоо менен алектенген.