Иллюстрация: ММЦ «Сахарово»
Тажикстандын Эмгек, миграция жана калкты ишке орноштуруу министрлигинин Россиядагы өкүлчүлүгү дүйнөдөгү геосаясий кырдаалга жана экономикалык туруксуздукка байланыштуу тажикстандыктарды дүрбөлөңгө түшпөөгө чакырат. Өлкөнүн аймагында болгон мезгилде, РФ мыйзамдарында белгиленген нормаларды сактоо. Бул тууралуу бүгүн, 3-мартта «Азия плюс» маалымат агенттиги аталган департаменттин Фейсбукта жарыяланган билдирүүсүнө таянып кабарлады. Москвадагы Сахарово көп тармактуу миграциялык борбордун ишмердүүлүгү тууралуу кептерге байланыштуу мекеме чет өлкөлүк жарандар үчүн күн сайын саат 8.00дөн 20.00гө чейин белгиленген тартипте иштеп жатканын билдирет. «Социалдык тармактарда айрым блоггерлер жана кызыкдар адамдар «Сахароводогу» көп тармактуу миграциялык борборунун ишмердүүлүгү боюнча ар кандай негизсиз ушактарды таратып жатышат. Биздин жарандар мындай негизсиз кептерге ишенбеши керек, иштөөгө уруксат (патент) үчүн ай сайын төлөм төлөп жана борборго кайрылса болот», деп кабарда айтылат. Ведомство мекендештерди банктардын кызматтарынан пайдаланууга жана иштөөгө уруксат (патент) үчүн ай сайын төлөмдү төлөөдө чектерди сактоого чакырат. Учурдагы пайда болгон банктык кырдаалга байланыштуу, мөөнөтүнөн мурда (2-3 күн мурун) төлөө максатка ылайык. Ал эми курстун олку-солкулугуна болгонуна байланыштуу, ашыкча чыгашалардан баш тартууну жана акчаны үнөмдүү сарптоону сунуштайт. Ошондой эле, Россия Федерациясынын мамлекеттик чек арасынан өтүүдөн мурун, РФ ИИМ кирүүгө тыюу салуулар боюнча маалымат базасынан өзүңүз тууралуу маалыматты текшергениңизден кийин гана мамлекеттик чек арадан өтүңүз.