Фото: РИА Новости/Михаил Воскресенский
ИИМ чет элдик жарандардын Россияга «кирүү максатын» өлкөдөн чыкпастан өзгөртүү мүмкүнчүлүгүн мыйзамдаштырууну сунуштоодо. Бул тууралуу ТАСС агенттигине Россиянын ИИМ Миграция боюнча башкы башкармалыгынын башчысы Валентина Казакова билдирди.
«Жалпы эреже катары, чет өлкөлүк жаран Россия Федерациясына кирип келе жатканда «кирүү максатында» көргөзгөн максаттан башка иш-аракеттерди жүргүзүүгө укугу жок, бул бүгүнкү күндө күчүндө. Бирок, эгерде бүгүнкү күндө чет өлкөлүк жаран кирүү максатын өзгөртүү үчүн Россия Федерациясынын аймагынан чыгып кетүүгө жана андан кийин кайра кирүүгө туура келсе, <…> жаңы мыйзам долбоорунда Россия Федерациясынын аймагынан чыкпастан кирүү максатын өзгөртүү каралган «, деди ал. Казакова белгилегендей, бул эреже пандемия учурунда эле күчүндө болчу. Бул өзгөчө Россияга жеке максаты менен кирип, андан кийин чыгууга мүмкүн болбогондуктан өлкөдө иштөө үчүн калган адамдарга тиешелүү болгон. Мындан тышкары, мыйзам долбоору «болуу максатында» бир нече максатты айкалыштыруу мүмкүнчүлүгү каралган, мисалы, иштөө жана окууну.