Фото: сайт администрации городского округа Подольск.
3-февралдан тарта №1050 пилоттук экспресс-маршруту Подольск МБД-2 станциясынан «Сахарово» көп функционалдуу миграциялык борборуна чейин каттай баштады, деп билдирди Москва облусунун Транспорт жана жол инфраструктура министрлигинин басма сөз кызматы. Подольск станциясынан миграциялык борборго автобустар саат 6:00дөн 21:20га чейин, миграциялык борбордон Подольск станциясына чейин саат 7:00дөн 22:20га чейин каттайт. Орточо жол кыймылынын интервалы болжол менен 40 мүнөт. Подольскто экспресстер 2 жолу кыска убакытка токтошот: «Ленин аянты» жана «Родина кинотеатры». Маршрутту кичи класстагы 3 автобус тейлейт. Жүргүнчүлөрдүн агымын талдап жана жүргүнчүлөр арасында суроо-талап ырасталгандан кийин кошумча автобустарды ишке киргизүү мүмкүнчүлүгү каралат. Миграция борборуна жүргүнчүлөр үчүн жол кире арзандап, 42 рублди түздү. Жол акысын контактсыз банк карталары, «Стрела» картасы же накталай акча менен төлөсө болот. Жаңы каттам ишке киргенге чейин Подольск шаарынан миграциялык борборго 5 каттам аркылуу жетүүгө мүмкүн болчу: №1004 «Москва (Түндүк Бутов 5-кичи району) – Москва (Каменка)», №303 «Столбово – Кузовлево», №МБ1 «Лесопарковая» м. – ММБ ФМКД», №МБ 2″ «Прокшино» м. – ММБ ФМКД», №1050″ МБД Подольск ст. – Москва (Ильино)». Орточо жол жүрүү убактысы болжол менен 60 мүнөт.