Фото: CentralAsia.news.
Кыргыз Республикасынын Өкмөтү жарандарды чет өлкөлөрдө ишке орноштуруу борборун түзүү чечимин кабыл алды. Тиешелүү мекеме Эмгек, социалдык коргоо жана миграция министрлигинин алдында иштейт. Анын негизги милдети – мигранттардын жана алардын үй-бүлө мүчөлөрүнүн укуктарын коргоо. Бул тууралуу CentralAsia.news сайтына 15-январда министрлер кабинетинин басма сөз кызматы билдирди. Өкмөт өкүлдөрү мындай чечим негизинен чет өлкөдө иштеп жүргөн кыргызстандыктарды колдоого багытталганын белгилешти. Ошол эле учурда алардын кызыкчылыгы гана эмес, аялдарынын (күйөөсүнүн) жана балдарынын да кызыкчылыктары корголот. Тиешелүү токтомго буга чейин премьер-министр Акылбек Жапаров кол койгон. Документке ылайык, борбор КР Тышкы иштер министрлигине караштуу Тышкы миграция департаментинин алдындагы маалыматтык-консультативдик борбордун базасында түзүлгөн. Эмгек министрлигине мекемени мамлекеттик кайра каттоодон өткөрүү тапшырылды.