Людмила Климова/Фото: duma.gov.ru
ИИМдин маалыматы боюнча, учурда өлкөбүздө 6,6 миллион мигрант бар жана алардын саны тынымсыз өсүүдө. Келгиндердин көбү Өзбекстан, Тажикстан, Кыргызстандын тургундары. Чет элдиктердин 70 пайызга жакыны Россияга акча табуу үчүн келишет. Жумуш издеп жатканда, алар көбүнчө жумуш берүүчүнүн да, кызматкердин да алдында жооп бербеген көмүскө ортомчуларга кайрылышат. Натыйжада мигранттардын бир бөлүгү салык системасынан сырткары калууда. Мындан тышкары, ак ниетсиз иш берүүчүлөр келген коноктор үчүн тийиштүү социалдык-тиричилик шарттарын түзбөй, агрессияны пайда кылып, мигранттар арасында кылмыштуулуктун өсүшүнө өбөлгө түзүүдө. Мамлекеттик Думада эмгек миграциясынын маселелерин чече турган Өзүн-өзү жөнгө салуучу уюмду (ӨЖСУ) түзүү сунушталды. Мамлекеттик Думанын улуттар иштери боюнча комитетинин мүчөсү Анастасия Удальцованын айтымында, көзөмөлсүз миграция олуттуу кесепеттерге алып келиши мүмкүн.